andurina

Que tal todos? Espero que aqueles que obtiveron destino neste concurso de traslados tiveran sorte e os que non, coma eu e o meu compañeiro Ramón, a esperar que toca.
Bueno si miramos o refraneiro "non hai mal que por ben non veña" ou tamén nos vale " os últimos serán os primeiros".
Como lle contaba a mañá o meu compañeiro, non vale a pena preocuparse ata que chegue o momento, porque total non podemos facer nada.Como vedes o da teoría dáseme ben, agora so hai que poñela en práctica.
Posdata: animo Ramón, sabes de onde é esta paisaxe?

ola a tod@s o xoves na escola tivemos unha visita, veunos ver Xan e tróuxonos unha representación de títeres titulada "Pedro e o lobo". Os nenos pasárono moi ben, Xan fíxoos participar en todo momento no desenvolvemento do relato, e eles encantados de poder gritar, gritar e gritar.Gustounos moito a representación tanto os nenos e nenas coma os mestres e mestras, recoméndolla a tódolos nen@s.

p>Hoxe comezou o curso de traballo por proxecto, coa ponencia de Azucena Arias. Cando a persoa que che conta as súas experiencias e os seus coñecementos da maneira que o fai Azucena Arias, todo o tempo che parece pouco. Gustoume moito a súa forma de transmitir e de engancharte no tema, despois dun curso con esta muller é imposible volver os tradicionais libros e métodos, desperta o teu interese por investigar e experimentar a través do traballo por proxectos. o problema é que cando te enfrontas a realidade non todo parece tan bonito e tan fácil, pero dende logo e moito mellor que os métodos que xa podemos chamar antigos. A través do traballo por proxectos aprendemos todos, hai algo mellor?
Temos traballo para o seguinte día, no discurso da súa ponencia esta incluída a realización dun proxecto paso a paso, despois de elixir tema e votar, o noso proxecto vai xirar en torno as abellas, recollemos as ideas previas, fixemos unha categorización, pensamos onde podemos buscala información , e xa mans a obra, a buscar.
<

Nunca sei porque lle chamo días de descanso, por que a verdade é que eu non paro de traballar. Se non é nun lado é en outro pero o conto é que non paro. Agora estou dándolle voltas o grupo de traballo, non sei de que vou facer o proxecto, teño moitas dubidas e poucas ideas, ou polo menos nada claras. Como podedes ver a claridade de ideas non é o meu forte, pero bueno aí andamos pouco a pouco. Hoxe na clase comezamos a falar dun neno que empezou este ano no cole, pero que agora marchou a vivir fora, ocorréuseme preguntarlles como poderíamos contarlle o que fixemos no Entroido, e bueno xurdiron algunha que outra pregunta, vamos a ver como progresa.

Despois de celebrar o día da Paz aínda nos quedaba outra celebración que era o Entroido, os nenos viñeron da casa cada un co seu disfraz, uns eran corsarios, outros cabaleiros, princesas, spiderman, etc., estaban todos moi guapos e pasámolo moi ben a pesar do frío. Comemos orellas, filloas, e un montón de cousas mais; bailamos, xogamos,...

Hoxe 30 de xaneiro celebramos no cole o Día da Paz,entre tódolos nenos do cole e os profes de apoio a infantil, prepararon un mural que colocaron no exterior do cole. Mirade que chulo lles quedou.


Esta semana está sendo un pouco movida posto que xuntamos a semana do entroido coa celebración do Día da Paz. Cada día da semana os nenos e profes ( uns máis ca outro, declárome culpable) teñen que traer distintas cousas como : un bigote, un sombreiro, un zapato de cada cor, ..........; e o venres para rematar será o gran desfile de entroido. Haberá diferentes disfraces e algunha que outra sorpresa.
Para rematar por hoxe os nenos de 3 anos A (profe Esperanza) e 3 anos B ( profe Mati)queremos desexarvos a todos un bo Día da Paz, que se faga extensible a tódolos días do ano e para tódolos nenos do mundo.

Os compis do corredor desexámosche un moi moi feliz cumpreanos.

Xa vos dariades conta de que onte quedei a medio camiño co papel reciclado, perdoade pero tiven que marchar, desta si que remato.
Pois como podedes ver primeiro fixemos anaquiños de papel de periódico e revistas, logo votámoslle auga e deixámolo repousar unha noite, o día seguinte pasámolo pola batidora e fixemos unha pasta.
Para experimentar coas cores botámoslle a unha tina tempera azul e a outra tempera vermella, e puxémonos a facer o papel. A verdade que para ser a primeira vez non quedou tan mal, e os nenos pasárono moi ben.

p>ola de novo,como custa voltar das vacacións. Necesitabamos todos outro periodo de adaptación,aínda que neste segundo trimestre non vamos ter tempo nin para respirar. Esta semana tocou recoller os adornos do Nadal, o próximo luns imos de excursión, ( a primeira para os nenos de 3 anos), o martes e festivo local en Vilanova para recuperarnos da excursión; pero xa o mércores temos que poñernos as pilas con un montón de cousas: o conto viaxeiro, o día da PAZ, o entroido, os proxectos, ...................que si, que non me esquecín de contarvos como vai o reciclaxe. Pois ben, vai lento, pero vai, xa fixemos o papel reciclado agora falta decidir que faremos con el. Votádelle un ollo o resultado......

Hoxe celebramos os cumpreanos do primeiro trimestre, Rubén, Iván, Alejandro, Pablo, Blanca, Gustavo, Martín,e David celebran o seu terceiro aniversario xunto cos seus compañeiros de clase.
DESEXÁMOSLLES TODOS UN FELIZ CUMPREANOS.

Para que ninguen se moleste pola aparición das fotos dos nenos en internet a partir de agora non colgarei ningunha foto nin video dos nenos. Moitas grazas a tódalas persoas que manifestaron o seu malestar, non era a miña intención incomodar a ninguen soamente era unha actividade máis da aula utilizando as novas tecnoloxías e parte do meu tempo persoal.